Il-Paci maghkom,

Qed nibghat din l-email f'isem il-worship team tal-Komunita' Bread of Life.  Dan il-worship team jorganizza open meetings ghall-membri tal-worship teams biex flimkien nitghallmu u nwasslu songs godda fil-gruppi taghna kif ukoll nitolbu flimkien. Din il-laqgha ser issir nhar l- ERBGHA 8 ta' Marzu 2006.  

Il-post se jkun f il-kapella tas-Sghajtar, in-Naxxar . Il-hin fis-7:30pm.

Nheggukom biex tinghaqdu maghna u biex theggu membri ohra tal-worship teams biex jinghaqdu maghna huma ukoll.

Qed nibghatilkom ukoll mappa tal-post biex tkun aktar facli ghalikom biex issibu il-post fejn tridu tasslu.

Hudu hsieb,

God Bless You

Denise

Il-Ġimgħa 3 ta’ Marzu 2006 

Għeżież ħuti rġiel,

 Kif ħafna minnkom tafu t-Tiġdid Kariżmatiku ilu jorganizza laqgħat nazzjonali għall-irġiel għall-ħafna snin. Ilkoll nifhmu l-bżonn ta’ laqgħat bħal dawn għaliex fil-mixja tagħna ta’ kuljum sikwiet niltaqgħu ma’ ċirkostanzi fejn jaqtgħulna qalbna jew ifixkluna jew iħarbtulna d-direzzjoni tagħna ma’ Kristu lejn il-Missier.

 Jenħtieġ li aħna bħala rġiel niġu flimkien biex insaħħu riġlejn u dirgħin xulxin f’din il-mixja fl-Ispirtu s-Santu li Alla għoġbu jqabbadna fiha.

 Dawn l-aħħar snin din il-laqgħa bdiet issir fil-festa ta’ San Ġużepp, jiġifieri fid-19 ta’ Marzu.  Dejjem kellna xi ħaġa ġdida, kemm fit-tema, fil-metodu u fil-forma.  Din is-sena wkoll, fl-istess data, ser nerġgħu niltaqgħu bħala rġiel biex niċċelebraw flimkien din is-sejħa li Alla għamlilna fis-soċjetà u fil-Knisja:  sejħa li nkunu missirijiet; mhux missirijiet fis-sens ta’ ulied bioloġiċi, jiġifieri ulied li joħorġu minn relazzjoni tagħna ma’ mara, imma missirijiet ta’ wlied spiritwali, jiġifieri ulied li jitnisslu minn relazzjoni intima ma’ Ġesù, allura li nkunu xhieda qawwija u awtentika.  Proprju dan huwa li qiegħed jimmotivana din is-sena. San Pietru jiktibilna: “Kunu dejjem lesti biex tagħtu tweġiba lil kull min jitlobkom il-għala tat-tama li għandkom.” 

 Għall-grazzja ta’ Alla matul dawn l-aħħar erba’ snin it-Tiġdid Kariżmatiku ħoloq aktar minn għaxar okkażjonijiet diversi, fuq livell nazzjonali, fejn ilkoll stajna nipparteċipaw b’mod sħiħ fil-qsiem tal-bxara t-tajba, fosthom mixja għall-irġiel.  Jiddispjaċini ngħid li l-isfida qatt ma kienet milqugħa tajjeb; la minn individwi u lanqas minn numru kbir ta’ mexxejja ta’ gruppi.

 Dan hu ċans ieħor għalik fejn int tista’ tkun ta’ xhieda.  Is-sejħa qegħda hemm, issa f’idejk. 

Nhar il-Ħadd 19 ta’ Marzu 2006, ser issir sejħa għall-irġiel kollha li joqgħodu fiċ-Ċentru tas-Sgħajtar in-Naxxar.  Int li diġa ltqajt ma’ Ġesù qed tiġi msejjaħ biex tkun ta’ xhieda għall-imħabba kbira ta’ Ġesù.  Il-programm huwa sempliċi, imma qawwi, għaliex ser niċċelebraw flimkien is-sagrifiċċju tal-quddiesa b’entużjażmu kbir li toħroġ mir-relazzjoni tagħna ma’ Ġesù, imħeġġa bil-qawwa ta’ l-Ispirtu s-Santu.

 Niltqagħu flimkien fiċ-ċentru tas-Sgħajtar in-Naxxar.  Il-programm jibda fil-11.15 a.m. u jispiċċa għall-ħabta tan-12.30 p.m. 

Kull paċi u ġid.

Ħuk fi Kristu 

Jude Muscat